Agjencia e Statistikave të Kosovës (ASK) publikon Statistikat e Mirëqenies Sociale për muajin shkurt 2023.

Ky publikim ndër tjerash ofron të dhëna për numrin e përfituesve nga skema e ndihmës sociale, shkruan SuharekaOnline.

Sipas rezultateve të dala nga ky publikim rezulton se gjatë muajit shkurt të vitit 2023, nga skema e ndihmës sociale kanë përfituar 22.376 familje me gjithsej 88 453 anëtarë, dhe nga skema për mbështetje materiale familjeve që kanë fëmijë me aftësi të kufizuara kanë përfituar 2.869 familje.

Në bazë të të dhënave të ASK-së rezulton se në Komunën e Suharekës gjatë muajit shkurt 2023 nga skema e ndihmës sociale kanë përfituar 442 familje me gjithsej 1.931 anëtar.

Krahasuar me muajin janar të po të njëjtit vit, rezulton se në Komunën e Suharekës numri i familjeve të kësaj kategorie ka shënuar rritje.

Muaji/Viti	Numri i familjeve që kanë përfituar nga skema e ndihmës sociale	Numri i anëtarëve të familjeve që kanë përfituar nga skema e ndihmës sociale
Janar/ 2023	434	1.915
Shkurt/ 2023	442	1.931