Reduktimet e rrymës, në disa QMF dhe AMF të Suharekës nuk ofrohen shërbime

Një gjë të tillë e ka bërë të ditur Qendra Kryesore e Mjekësisë Familjare “Rexhep Kuçi” – Suharekë.

“Qytetarë të nderuar, për shkak të ndërprerjeve të shpeshta të energjisë elektrike nga KEDS dhe reduktimeve të shumta, ju njoftojmë se në disa QMF dhe AMF nuk kemi mudësi të ofrojmë shërbime shëndetësore”, thuhet në njoftim.

QKMF-Suharekë ka kërkuar mirëkuptimin e qytetarëve deri në tejkalimin e kësaj krize energjetike.

“Andaj kërkojmë mirëkuptimin tuaj në tejkalimin e kësaj krize energjetike”, thuhet në njoftim.