Ramë Bllaca, heroi kundër shpërnguljes së shqiptarëve

  • 27.08.2022
Ramë Bllaca, heroi kundër shpërnguljes së shqiptarëve

Me rastin e 85-vjetorit të vrasjes së Heroit të kombit Ramë Bllaca, në pritë nga UDB-a serbe më 1937.

Politika shoveniste e Beogradit për zbrazjen e trojeve shqiptare nga popullata vendase përmes dhunës sistematike, presionit të madh në të gjitha format, kishin bërë që politikan e udhëheqës së kohës të viheshin kundër kësaj politike shoveniste serbe për shpërnguljen e shqiptarëve drejt Turqisë.

Pjesëmarrja aktive në luftëra dhe ngjarje tjera kundër turqve e serbëve e kishte bërë Ramë Bllacën një prej udhëheqësve më të dashur popullor jo vetëm në rajonin nga vinte, Therandën po edhe më gjerë.
Politikan i patundur, me një urtësi dhe inteligjencë të pashoqe, Ramë Bllaca arriti që në 1921, të bëhet deputet për krahinën e tij në kohën e qeverisë së Nikolla Pashiqit. Më parë ishte kishte kryer edhe pozitën e kryetarit të komunës në Duhël.


Për të tani kishte filluar një front i ri, pavarësisht akuzave që i bëheshin herë pa here nga serbët, ai tani kishte krijuar një emër e reputacion të madh në sytë e popullit dhe nuk ishte lehtë të rrënohej.

Si i ri aktiv Ramë Bllaca me bashkëpunoëtorë nuk ishte ndal asnjëherëë por me armë në dorë ishte treguar një luftëtar i pakompromis por edhe si organizator e udhëheqës i shkëlqyeshëm.
Ai ishte shumë aktiv në luftën kundër serbëve më 1913-1915, pastaj kundër bullgarëve 1915-1918, të udhëhequr nga ai luftëtarët shqiptar zhvilluan luftëra të ashpra kundër serbëve e bullgarëve duke ju shkaktuar edhe humbje të mëdha.

Fillimi i kolonizimit të Kosovës nga ana e kolonëve serb, nën pretekstin e reformës agrare, pasoi me dëbime dhe shpërngulje masive e që shpesh rezultonin edhe me vrasje të qytetarëve të pafajshëm shqiptar, e gjeti Ramë Bllacën si deputet të Kuvendit të Qeverisë së Nikolla Pashiqit. Ikja e mijëra njerëzve drejt Turqisë ishte e papranueshme për Bllacën.

Ai si deputet duhej doemos të vendosej në krye të lëvizjes kundër shpërnguljes, dhe këtë e nis me një shembull personal, në vlugun e shpërnguljeve ai thërret qindra mysafir dhe nis ndërtimin e një shtëpie, njerëzit filluan të mendonin ndryshe, filluan të thoshin “Ramë Bllaca nuk është i padijshëm,ta ndërtojë shtëpinë sot e nesër ta lërë shkretë e të shkojë në Turqi. Mos kujdes se i merrni në qafë fëmijët…ju e dini se turqit gjithmonë kan qenë armiq për ne e tash kur u bënë miq! Kush e lëshon vatanin bën mëkat të madh dhe gabim të hatashëm!’’

Menjëherë pas kësaj ai gjatë punimeve të një seance të parlamentit në Beograd, kur qeveria i paraqiti parlamentit Konvetën, ai demonstroi në mënyrën më të shkeklqyer trimërinë dhe patriotizmin e tij, duke kundërshtuar konventën dhe duke votuar kundër.

Por kulmi ishte kur i japin dokumentin ta nënshkruaj, Ramë Bllaca u ngrit në këmbë dhe bërtiti ’’JO!’’ dhe e grisi dokumentin në mes të parlamentit, në sy të deputetëve.

“Jemi në tokën tonë,në të drejtën tonë. Sa mund ta shkulni Kosovën e ta çoni në shkretëtirat e Anadollit,aq mund ta shkulni këtë popull nga kjo tokë e larë me gjak”, tha ai para deputetëve serb.
Por akti i grisjes së Konventës serbo-turke në parlamentin Jugosllav, Ramë Bllacës i kushtoi me jetë, duke mos mundur ta pranonte këtë akt trimërie e patriotizmi UDB-ja jugosllavo-serbe, kishte planifikuar gjithçka, dhe në orët e mbrëmjes së asaj dite, derisa po kthehej nga Beogradi, në hyrje të fshatit të lindjes së tij Bllaca, fshat i komunës së Suharekës, vritet në pusin e ngritur nga UDB.

Duhet të mos harrohet se në momentet më të vështira dhe të duhura, Ramë Bllaca, gjithnjë e kishte krah të djathtë edhe deputetin tjetër shqiptar, Sherif Vocën nga Mitrovica.

Shoqata për Kthimin e Shqiptarëve të Shpërngulur nga Trojet e Veta, në shenjë nderimi dhe respekti për jetën dhe veprën e patriotit Ramë Bllaca, në fillim të viteve ’90, në një tubim madhështor, ka ngritur bustin e patriotit në fshatin e tij të lindjes në Bllacë, në oborrin e Xhamisë së fshatit, kurse me kërkesë të Shoqatës shkollës së fshatit ju vu edhe emri i patriotit Ramë Bllaca.

Gjithashtu kjo Shoqatë, ka kohë që ka kërkuar nga Institucionet komunale të Mitrovicës gjetjen e një hapësire për vendosjen e bustit të bashkëpunëtorit të Ramë Bllacës, patriotit Sherif Voca, por kërkesa e Shoqatës me vite të tëra ende ka mbetur pa u miratuar nga ana e Komunës së Mitrovicës.
Jeta dhe veprimtaria e tij atdhetare është shumë e gjerë. E shtrirë në shumë dekada, rrezatuese edhe pas vdekjes së tij fizike!

(Autor i këtij shkrimi është Jahja Lluka)

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë