QKMF-Suharekë ofron PAP-testin falas për 500 gra të Komunës së Suharekës

Qendra Kryesore e Mjekësisë Familjare në Suharekë, “Rexhep Kuçi” njofton se do të ofroj PAP-testin falas për 500 gra të Komunës së Suharekës.

Kanceri i qafës së mitrës zë vendin e dytë tek vdekshmëria e grave pas kancerit të gjirit, andaj, PAP-test ka rol të rëndësishëm në diagnostikimin dhe zbulimin në kohë të kësaj sëmundje të rëndë.

Ekzaminimi i PAP-testit ka si qëllim që të përcaktojë në fazat e hershme ndryshimet qelizore të qafës së mitrës në mënyrë që të kemi kohë për trajtimin e kancerit të qafës së mitrës.

Pap-test është një procedurë që duhet ta bëjnë të gjitha gratë, si rregull për moshën dhe kohën kur duhet bërë,është që të përcaktohet nga mjeku obstetër-gjinekolog.

Për më shumë informacion dhe caktim i termineve të gjitha gratë e interesuara duhet të lajmërohen në Njësinë e gjinekologjisë-maternitet çdo ditë pune (e martë, e mërkurë nga ora 08:00-12:00).