Policia konfiskon një AK-47 në Samadrexhë të Suharekës

Policia e Kosovës në Suharekë ka njoftuar për një rast të armëmbajtjes pa leje.

Policia e Kosovës në Suharekë ka njoftuar se gjatë ditës së mërkurë, derisa ishin duke kryer një kontroll në një shtëpi në fshatin Samadrexhë të Suharekës kanë hasur në armë të cilat nuk ishin me leje, raporton SuharekaIOnline.

Poashtu, bëhet e ditur se policia ka konfiskuar një AK-47, dy karikator, 40 fishekë të kalibrit të ndryshëm dhe 5 gëzhoja.

Për rastin në fjalë është njoftuar edhe prokurori i shtetit, ku me vendim të tij rasti ka shkuar në procedurë të rregullt.

“Fsh. Samadraxhë, Suharekë 08.02.2023 – 20:40. Gjatë kontrollit të shtëpisë së të dyshuarit mashkull kosovar, janë gjetur dhe konfiskuar një AK-47, dy karikatorë, 40 fishekë të kalibrit të ndryshëm dhe 5 gëzhoja. Me vendim të prokurorit rasti shkon në procedurë të rregullt.” thuhet në njoftimin e policisë.