Policia e Suharekës për dy javë shqiptoi mbi 360 tiketa trafiku

Gjatë ditës së mërkurë në Komunën e Suharekës është mbajtur takimi i radhës i sigurisë lokale.

Në takimin e sigurisë lokale, ndër tjerash është biseduar edhe për aktivitetet e Policisë së Kosovës në Suharekë.

Takimin e rregullt dyjavor të Koordinimit Lokal për Siguri që u mbajt sot i kryesuar nga nënkryetarja e Komunës së Suharekës Mihrije Suka, e cila ka njoftuar rreth aktiviteteve të cilat janë zhvilluar në komunë gjatë dy jave.

Policia e Kosovës në Suharekë ndër tjerash ka bërë të ditur se gjatë dy javëve të kaluara në Policinë e Suharekës janë raportuar 7 aksidente trafiku, raporton SuharekaOnline.

Poashtu, në periudhë të njejtë kohore, Policia e Kosovës në Suharekë ka shqiptuar gjithsej 362 tiketa trafiku për të gjithë drejtuesit e automjeteve të cilët nuk i kanë respektuar rregullat në trafik.