Policia e Suharekës apelon qytetarët: Festoni pa armë, festoni me dijnitet, kulturë e dashuri

Komandanti i Stacionit Policor në Suharekë, kapiteni Afrim Sylaj ka apeluar qytetarët e Komunës së Suharekës për kujdes gjatë festave të fundvitit në mënyrë që të festohet me dijnitet, kulturë dhe dashuri.

Policia e Kosovës në Suharekë ka apeluar qytetarët e Komunës së Suharekës për festat e fundvitit ku ka bërë thirrje të veçantë për mos përdorimin e armëve apo mjeteve të tjera shpërthyese të cilat mund të shkaktojnë rrezik, raporton SuharekaOnline.  

Poashtu, Policia e Kosovës në Suharekë ka apeluar të gjithë drejtuesit e automjeteve, pasi që këto ditë komunikacioni është mjaft i ngarkuar. 

Në apelin e policisë tutje iu është bërë thirrje edhe bashkëatdhetarëve për ruajtjen e gjë sendeve në vendet ku ata i frekuentojnë.

Stacioni Policor në Suharekë është i përkushtuar që t’iu shërbejë të gjithë qytetarëve duke zbatuar ligjin dhe duke krijuar ambiente të sigurta. 

“Shijoni festat e fundvitit pranë të dashurve tuaj, festoni me dijnitet, kultur dhe jepni ngjyra festive këtyre festave duke festuar pa armë pa krisma, dhe plot dashuri” thuhet në apelin e Policisë së Kosovës në Suharekë.