Përjashtimi i arsimtares me shami, çfarë ka ndërmarrë kryetari Muharremaj

  • 06.09.2022
Përjashtimi i arsimtares me shami, çfarë ka ndërmarrë kryetari Muharremaj

Para disa është raportuar për një rast shqetësues, ku një arsimtare e lëndës së matematikës është përjashtuar nga shkolla e fshatit Reshtan të Komunës së Suharekës, si shkak i bartjes së shamisë.

Arsimtarja e matematikës, në SHFMU “Flamuri i Arbrit” në Reshtan të Komunës së Suharekës, Remzie Lezi, është përjashtuar nga e drejta për ta ushtruar profesionin e saj, për shkak të vendosjes së shamisë.

Sipas një dokumenti të publikuar në rrjete sociale, Këshilli Drejtues i Shkollës ka vendosur në mënyrë unanime, që Lezi të përjashtohet nga shkolla.


“Duke u mbështetur në UA NR 03/2016, neni 3 pika 7, që ndalon bartjen e uniformës fetare, i gjithë Këshilli unanimisht vendosi, që nuk i lejohet arsimtares së matematikës, z. Remzie Lezi të ushtrojë profesionin e mësuesisë në shkollën tonë me uniformë fetare”, thuhet në dokument.

Ndërkaq, përmes një reagimi të bërë disa ditë më parë, kryetari i Komunës së Suharekës, Bali Muharremaj kishte deklaruar se bordi i prindërve nuk është institucion, i cili punëson apo largon një mësimdhënës nga puna. Kjo ndodh në organet komunale më një procedurë tash të rregulluar mirë.

Po ashtu, ai kishte shtuar se në qoftë se ndonjë mësimdhënës ka rast disiplinor, atëherë është Komisioni Disiplinor që e trajton rastin dhe i sugjeron drejtorit, respektivisht mua si kryetar për veprimet institucionale.

I pari i Komunës tonë kishte theksuar se në atë ditë ka qenë në udhëtim jashtë vendir, por se nga dita e hënë do ta trajtoj me prioritet këtë rast.

Andaj, kryetari Muharremaj ka theksuar se të hënën e 5 shtatorit ka kërkuar të gjitha raportet në lidhje me “përjashtimin” nga shkolla të mësueses të lartcekur.

Gjithashtu, ai ka shtuar se edhe njëherë po e them se e zbatoj kushtetutën dhe ligjet në fuqi.

Ndryshe, kujtojmë se për këtë rast ka pasur reagime të shumta nga ana e qytetarëve, e në mesin e tyre edhe nga fytyrat e njohura publike.

Për këtë përjashtim të mësimdhënëses nga shkolla shkaku i shamisë kishte reguar edhe këngëtarja e njohur kosovare, Filloreta Raçi-Fifi, duke thënë se secili ka të drejtë të vishet ashtu siç do.

Po ashtu, Fifi ka shtuar Këshillit të Shkollës duhet të ketë turp për këtë vendim, kjo pasi që mënyra e veshjes së një personi është zgjedhje individuale.

Reagim ka pasur edhe nga ministrja e Arsimit, Arbërie Nagavci, ku i është përgjigjur në pyetjen e një komentueseje në rrjetin social në “Facebook”, duke e vlerësuar vendimin e paligjshëm.

“Ky Vendim, nëse ekziston vërtetë, është i paligjshëm, i padrejtë dhe si i tillë nuk shkakton asnjë pasojë juridike”, ka shkruar ministrja Nagavci.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë