Për bletarët e Komunës së Suharekës, shpërndahen koshere bletësh

Gjatë ditës së sotme për bletarët e Komunës së Suharekës, janë shpërndarë koshere bletësh.

U shpërndanë koshere bletësh, të cilat do t’u shërbejnë për punë edhe më efikase bletarëve, që në Komunën e Suharekës nuk janë të paktë.

Drejtoria për Bujqësi, Pylltari dhe Zhvillim Rural, ka bërë sot shpërndarjen e koshereve për bletarë, të cilët merren me këtë veprimtari.

Pjesë e shpërndarjes së këtyre koshereve, ka qenë edhe nënkryetarja e Komunës së Suharekës, Mihrije Suka, e cila ka thënë se në vazhdën e përkrahjes dhe mbështetjes së sektorëve të ndryshëm të bujqësisë dhe blegtorisë, sot po ndihmojmë edhe një sektor tjetër shumë të rëndësishëm në Komunën tonë, siç është bletaria.