Një tentim i vetvrasjes, një person i zhdukur, 4 vjedhje… – Krejt çfarë ndodhi brenda dy jave në Suharekë

Gjatë ditës së sotme në Komunën e Suharekës është mbajtur takimi i radhës i sigurisë lokale.

Në takimin e sigurisë lokale, i dyti për këtë vit ndër tjerash është biseduar edhe për aktivitetet e Policisë së Kosovës në Suharekë.

Takimin e rregullt dyjavor të Koordinimit Lokal për Siguri që u mbajt sot i kryesuar nga nënkryetarja e Komunës së Suharekës Mihrije Suka, e cila ka njoftuar rreth aktivitetet të cilat janë zhvilluar në komunë gjatë dy jave.

Komandanti i Stacionit Policor në Suharekë, kapiteni Afrim Sylaj ndër tjerash ka bërë të ditur se gjatë dy javëve të kaluara në Policinë e Suharekës janë raportuar 6 aksidente trafiku, raporton SuharekaOnline.

Poashtu, Sylaj ka bërë të ditur se përveç rasteve të lartëshënuara janë raportuar edhe rastet si: sulm një rast , lëndim aksidental një, vjedhje 4 raste, dhunë familjare një rast, hyrje në sistemin kompjuterik 3 raste, demtim apo heqja e paisjeve mbrojtse një rast, tentim vetëvrasje një rast, shpërdorim i pasurisë së huaj një rast, person i zhdukur një rast, ngacmim një rast, urdhëresa të realizuara 31 dhe vizita në shkolla 12.