Në Shtëpinë e Fellbahut në Suharekë u promovua libri “Simbol Çlirimtari Heroi Milazim Kiqina”

Sot gjatë ditës së hënë në Shtëpinë e Fellbahut në Suharekë është promovuar libri për Komandantin Milazim Kiqina, i cili titullohet “Simbol Çlirimtari Heroi Milazim Kiqina” i autorit Beqir Kiqina.

Në promovimin e këtij libiri i pranishëm ka qenë kryetari i Komunës së Suharekës, Bali Muharremaj me pjestar të tjerë nga stafi i tij, raporton SuharekaOnline.

Poashtu në ambientet e Qendrës rinore “Shtëpia e Fellbahut” në mesin e shumë qytetarëve nga Suhareka e Drenasi i pranishëm ka qenë edhe kryetari i Komunës së Drenasit, Ramiz Lladrovci.

Me nga një fjalë rasti në këtë manifestim letrar kanë folur kryetari Muharremaj dhe kryetari Lladrovci, ndërsa për veprimtarinë e Heroit dhe për betejat e “Brigadës 123” fjala iu dha edhe Enver Rrustemit e në emër të Njësisë speciale të UÇK- së fjala iu dha Shukri Hasanit.

Autori i Librit “Simbol Çlirimtari Heroi Milazim Kiqina“ Beqir Kiqina, në fund ka falenderuar të gjitha ata që kanë dhënë kontributin e tyre për të dal ky libër sa më i mirë dhe sa ma me vlerë.

Gjatë Manifestimit pati edhe këngë me tekst kushtuar heroit, të cilat me mjeshtri i kënduan Bexhet Korpuzi dhe Fadil Llugaxhiu.

Komandant Milazim Kiqina, u vra së bashku me dëshmorin Enver Bytyçi në fshatin Peqan me 27 mars 1999.