Ndihmohen 53 familje nevojtare në Suharekë

Shoqata Bamirëse “Jetimat e Ballkanit” sot ka ndihmuar 53 familje nevojtare në Komunën e Suharekës.

Gjatë këtij aksioni humanitar për familjet në nevojë janë dhuruar produkte elementare duke filluar nga mielli e deri produktet tjera esenciale.

Ditë më parë Halil Kastrati nga po e njëjta shoqatë kishte dhuruar 3 shtëpi në Komunën e Suharekës. Edhe 3 familje këtë dimër do ta kenë më ngrohtë dhe me ambient krejt tjetër, në shtëpi të reja, kishte shkruar Kastrati.

Secila nga këto ka histori në vete, familje me kushte të vështira, të sëmurë dhe të lodhur nga varfëria.