Mushtisht, sulmohet nga katër persona për shkak të një borxhi

Një person ka pësuar lëndime të rënda pasi është sulmuar fizikisht nga katër persona të dyshuar në Mushtisht të Suharekës.

Në raportin 24-orësh të policisë thuhet se motivi i sulmit, sipas viktimës, është një borxh të cilin ai ua kishte të dyshuarve, përcjell Demokracia.com.

“Fsh. Mushtisht, Suharekë 03.07.2021-17:10. Viktima mashkull kosovar ka pësuar lëndime të rënda trupore pasi që  i njëjti është sulmuar fizikisht nga katër persona të dyshuar meshkuj kosovar. Motivi i sulmit sipas viktimës është një borxh të cilin ai ua kishte të dyshuarve”, thuhet në raportin e PK-së.

Siç njofton policia, viktimës i është ofruar tretman mjekësor në spitalin rajonal të Prizrenit, ndërsa njësitet policore janë duke hetuar rastin dhe po ashtu është informuar edhe prokurori lidhur rastin.