Drejtoria Komunale e Arsimit në Suharekë në muajin janar të vitit 2023 kishte njoftuar se ka shpallur konkurs për drejtor në SHFMU “Ramë Bllaca” në Bllacë.

Sipas njoftimeve të DKA-Suharekë, ky konkurs është rihapur gjithsej tri herë, pasi që kandidatet nuk i kanë plotësuar kriteret.

Komisioni përzgjedhës për zhvillimin e procedruave për themelimin e marrëdhënies së punës në bazë të nenit 8, pika 2.3 e UA nr.151/2020 ka krijuar listën e ngushtë me gjithë kandidatët/et, të cilët i plotësojnë kushtet dhe kriteret sipas konkursit të shpallur 05 nr.111-3721 të datës 13.01.2023- RISHPALLJE, si dhe Formularit “B/1 dhe B2 të UA nr. 151/2000.” thuhet në njoftimin e DKA-së.

Poashtu, njoftohet se intervista me gojë do të mbahet me datë 15.03.2023 në ora 10:00 në Sallën e Bordit të KK-Suharekë.

Sipas njoftimit bëhet e ditur se kandidatja, Menqurije Qollaku është kandidatja e vetme e përfshirë në listën e ngushtë.