Konkursi për 9 mësimdhënës, DKA-Suharekë publikon rezultatet e testit me shkrim

Drejtoria Komunale e Arsimit në Komunën e Suharekës me 21 dhjetor të vitit 2022 kishte hapur konkurs pune pë 9 mësimdhënës në disa shkolla të Suharekës.

Drejtoria Komunale e Arsimit në Suharekë kishte njoftuar se ka hapur konkurs pune për 9 mësimdhënës në shkollat si: SHFMU “7Marsi” në Suharekë, SHFMU “17 Shkurti” në Shirokë, SHFMU “Dëshmorët e Greikocit” në Greikoc, SHFMU “Naum Veqilhargji” në Mohlan, SHFMU “Ramë Bllacë” në Bllacë, SHFMU “Bajram Curri” në Nishor dhe Gjimnazi “Jeta e Re” në Suharekë, raporton SuharekaOnline.

Lidhur me këtë konkurs DKA-Suharekë ka njoftuar se komisioni përzgjedhës për zhvillimin e procedurave për themelimin e e marrëdhënies së punës në bazë të kushteve, ka përpiluar listën me rezultatet e kandidatëve në testin me shkrim.

Poashtu në njoftim bëhet e ditur se intervista me gojë bëhet nesër 03.02.2023 (e premte) në këtë orare: 08:30 për kandidatët në SHFMU “7 Marsi”, 09:00 për kandidatët e SHFMU “Dëshmorët e Greikocit”, 13:00 për kandidatët e SHMFU “Bajram Curri”, 13:30 për kandidatët e SHFMU “Ramë Bllaca”, 09:00 për kandidatët e SHFMU “17 Shkurti”, 09:00 për kandidatët e SHMFU “7 Marsi”, 14:00 për kandidatët e SHFMU “Dëshmorët e Greikocit” dhe 14:30 për kandidatët e GJimanzit “Jeta e Re”.

Intervista me gojë do të mbahet në Sallën e Bordit në objektin e Komunës së Suharekës.