Agjencia e Statistikave të Kosovës (ASK) vazhdimisht publikon raporte dhe statistika të ndryshme, ku disa prej tyre janë edhe shifrat e bizneseve që regjistrohen të reja dhe atyre që mbyllen.

Duke u bazuar në këto statistika, figuron se në Komunën e Suharekës, ashtu si në komunat tjera të Kosovës përgjat vitit 2022 janë hapur dhe mbyllur numër i konsiderueshëm i bizneseve.

SuharekaOnline ka siguruar të dhënat zyrtare për numrin e bizneseve të hapura në Komunën e Suharekës, ku në bazë të tyre, bëhet e ditur se që nga muaji janar deri në muajin dhjetor të vitit 2022, janë hapur 241 biznese të reja.

Duke analizuar të dhënat, numër më i madh i bizneseve të hapura është regjistruar në tre mujorin e dytë të vitit 2022, ku përfshihen muajt prill, maj dhe qershor. Përgjatë këtyre muajve në Komunën e Suharekës janë regjistruar 71 biznese të reja.

Ndërsa, numër më i vogël i bizneseve të reja është regjistruar në tre mujorin e fundit të vitit 2022 (tetor, nëntor dhe dhjetor), ku sipas ASK-së thuhet se janë regjistruar vetëm 41 biznese të reja.

Muajt, viti	Nr. i bizneseve të regjistruara	Nr. i bezneseve të regjistruara individuale	Nr. i bezneseve të regjistruara jo-individuale
Janar, shkurt dhe mars (TM1), 2022	67	24	43
Prill, maj dhe qershor (TM2), 2022	71	28	43
Korrik, gusht dhe shtator (TM3), 2022	62	33	29
Tetor, nëntor dhe dhjetor (TM4), 2022	41	10	31
Totali:	241	95	146

Poashtu, gjatë vitit 2022, në Komunën e Suharekës janë mbyllur 60 biznese, shkruan SuharekaOnline.

Duke u bazuar në të dhënat e ASK-së bëhet e ditur se në tre mujorin e dytë (prill, maj dhe qershor) në Komunën e Suharekës janë mbyllur gjithsej 20 biznese, numër ky më i madh se në muajt e tjerë.

Muaji, viti	Nr. i biznese të mbyllura
Janar, shkurt dhe mars (TM1), 2022	15
Prill, maj dhe qershor (TM2), 2022	20
Korrik, gusht dhe shtator (TM3), 2022	17
Tetor, nëntor dhe dhjetor (TM4), 2022	8
Totali:	60