Emra: Gjykata në Suharekë në tremujorin e dytë në divizionin civil ka pasur efikasitet 142% e në penal 114%

  • 09.09.2022
Emra: Gjykata në Suharekë në tremujorin e dytë në divizionin civil ka pasur efikasitet 142% e në penal 114%

Kryetarja e Gjykatës Themelore në Prizren, gjykatësja Shpresa Emra, tha se në tremujorin e dytë të vitit 2022, ka pasur rritje të efikasitetit në disa departamente.

Këtë deklarim, Emra e bëri të premten, në vazhdimin e takimit të 294-të të Këshillit Gjyqësor të Kosovës (KGJK), lidhur me raportimin për punën e Gjykatës Themelore në Prizren dhe degët e saj në tremujorin e dytë (prill–qershor) të vitit 2022, raporton “Betimi për Drejtësi”.

Lidhur me Divizonin Civil të kësaj gjykatë, kryetarja Emra tha se efikasiteti i zgjidhjes së lëndëve është 50% për dallim nga tremujori i parë kur ishte 35%.


“Shikuar në tërësi, Divizioni Civil në tremujorin e dytë efikasiteti i zgjidhjes së lëndëve është 66%, për dallim nga tremujori i parë kur ka qenë 53%, më saktësisht në tremujorin e dytë në divizionin civil, kontestimor, jokontestimor dhe përmbarimor në fillim të tremujorit janë trashëguar 9 mijë e 763 lëndë, kanë ardhur në punë 1 mijë 649 lëndë, janë zgjidhur 451 lëndë kontestimore, 36 jokontestimore dhe 449 përmbarimore”, tha Emra.


Tutje, ajo tha se Departamenti për Krime të Rënda në periudhën raportuese ka efikasitetin e zgjidhjes së lëndëve 115%, duke shtuar se në fillim të periudhës raportuese janë trashëguar 161 lëndë, janë pranuar 41 lëndë të reja dhe gjatë këtij tremujori janë zgjidhur 47 lëndë.

Sa i përket Departamentit për të Mitur për periudhen raportuese, Emra tha se ka një efikasitet prej 85%, ku në fillim të periudhës raportuese janë trashëguar 216 lëndë, kanë ardhur në punë 16 lëndë të reja, kurse gjatë këtij tremujori janë zgjidhur 14 lëndë.

Ndërsa, në Departamentin e Përgjithshëm – Divizioni Penal, në këtë tremujor tha se ka pasur zgjidhje të efikasitetit 84%, ku në fillim të tremujorit te dytë janë trashëguar 2 mijë e 415 lëndë, janë pranuar 338 lëndë të reja dhe janë kryer 279 lëndë.

Për divizionin e kundërvajtjes, ajo tha se në fillim të tremujorit ka trashëguar 1 mijë e 791 lëndë,  janë pranuar 611 lëndë dhe janë zgjidhur 552 lëndë dhe se sipas saj në këtë divizion punojnë 4 gjyqtarë.

Gjykatësja Emra për Degën në Suharekë tha se në për tre mujorin e dytë në divizionin civil ka pasur efikasitet prej 142%, ndërsa në divizionin penal ka pasur efikasitet 114%.

Ndërkaq, për degën në Dragash ajo tha se në Divizionin Penal është efikasiteti më i ulët i zgjedhjes së lëndëve, me 55% të zgjidhjes së lëndëve në këtë tremujor, e sa i përket Divizionit Civil ka një efikasitet prej 60% të zgjidhjes së lëndëve.

Në fund, ajo tha se sa i përket ankesave disiplinore, gjatë periudhës raportuese ka pasur dy ankesa, të cilat i kanë përcjellë edhe në Këshillin Gjyqësor.

Takimi po vazhdon me pika tjera të rendit të ditës. /BetimipërDrejtësi

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë