DSHMS ka shpallur konkurs pune për zëvendës drejtor në Qendrën Kryesore të Mjekësisë Familjare (QKMF) “Rexhep Kuçi” në Suharekë.

“Duke u bazuar në nenin 67 të Ligjit për Zyrtarët Publik nr. 06/L-114 si dhe në bazë të autorizimit të Kryetarit të Komunës së Suharekës nr. 01-181-30550 të datës 24.05.2022 për lejimin e shpalljes së konkursit për vendet e lira të punës për nevojat e QKMF-së në Suharekë, Ligjit të Punës së Republikës së Kosovës nr. 03/L-212, neni 5 i Udhëzimit Administrativ nr. 07/2017 për Rregullimin e Procedurave të Konkursit në Sektorin Publik, në bazë të nenit 21 i Udhëzimit Administrativ Kujdesi Parësor Shëndetësor nr. 04/2020 dhe në bazë të statusit të QKMF-së, DSHMS në Suharekës publikon këtë konkurs”, thuhet në njoftim.

Sipas konkursit të publikuar nga DSHMS-ja bëhet e ditur se koeficienti është H-6, H-850, ndërkaq orari i punës 40 orë në javë.

Po ashtu, bëhet e ditur se kohëzgjatja e kontratës është me afat të pacaktuar sipas Ligjit të Punës nr. 03/L-212.

Kushtet e konkursit

Kandidati/ja të cilët konkurojnë për këto pozita përveç kushteve të përgjithshme të parapara me ligj duhet të kenë të përfunduar:

– Fakulteti Juridik – diplom universitare apo Administrat Publike diplom universitare – 180 ECTS;
– 4 vite përvojë e punës në menaxhim.

Në njoftim të DSHMS-së, thuhet se të gjithë kandidatët të cilët hyjnë në listën e ngushtë, do të ftohen në intervistë dhe për datën e mbajtjes së intervistës do të njoftohen me kohë dhe do të intervistohen nga Komisioni Intervistues.

Aplikacionet merren në Administratën e DSHMS-së, adresa te parku i qytetit – Suharekë.

Të drejtë për aplikim kanë të shtetesait e Republikës së Kosovës të cilët janë banor rezident dhe se data e shpalljes së konkursit është nga 06.06.2022 deri më 06.07.2022.

Afati për paraqitjen e aplikacioneve është 15 ditë nga 08.07.2022 deri më 22.07.2022.

Personat që kanë diplomuar jashtë Kosovës duhet të kenë të nostrifikuara diplomat nga MASHTI.