Dënohet me 200 euro personi i cili hudhi mbeturina në Zonën Industriale në Shirokë

Shumë herë e kemi parë ambientin e ndotur nga lloje të ndryshme të mbeturinave.

Një rast i tillë e kemi hasur edhe në Zonën Industriale në Komunën e Suharekës, shkruan SuharekaOnline.

Një person ditë më parë kishte hudhur mbeturina në një pjesë të Zonës Industriale në Shirokë të Suharekës, gjë për të cilën komuna ka marrë masa.

Pas kësaj, Kryetari i Komunës së Suharekës, Bali Muharremaj përmes një shkrimi ka njoftuar se personi i cili e ka ndotur ambientin duke hudhur sasi të konsiderueshme të mbeturinave është dënuar me 200 euro dhe është detyruar që hapësirën ta pastroj vetëm.

“200 euro dënimi dhe natyrisht që e ka pastruar vet edhe hapsiren publike.

Asnjë kompromis me ata që e dëmtojnë ambientin dhe hudhin mbeturina në zona publike, ndryshe aplikohen dënimet sipas ligjit.” ka shkruar Muharremaj.