Kryetari i Komunës së Suharekës, Bali Muharremaj gjatë ditës së premte është takuar me kryetarët e këshillit të fshatrave.

Kryetari i Komunës së Suharekës, Bali Muharremaj gjatë ditës së premte është takuar me kryetarët e këshillit të fshatrave për të biseduar rreth dëgjimeve buxhetore 2024-2026, raporton SuharekaOnline.

Njoftimi i plotë:

𝙏𝙖𝙠𝙞𝙢 𝙢𝙚 𝙠𝙧𝙮𝙚𝙩𝙖𝙧 𝙩𝙚̈ 𝙆𝙚̈𝙨𝙝𝙞𝙡𝙡𝙖𝙫𝙚 𝙩𝙚̈ 𝙛𝙨𝙝𝙖𝙩𝙧𝙖𝙫𝙚 𝙥𝙚̈𝙧 𝙥𝙚̈𝙧𝙜𝙖𝙙𝙞𝙩𝙟𝙚𝙩 𝙧𝙧𝙚𝙩𝙝 𝙙𝙚̈𝙜𝙟𝙞𝙢𝙚𝙫𝙚 𝙗𝙪𝙭𝙝𝙚𝙩𝙤𝙧𝙚 𝙥𝙚̈𝙧 𝙆𝘼𝘽 2024-2026

Kryetari i Komunës së Suharekës, z.Bali Muharremaj, ka ftuar sot në takim kryetarët e Këshillave të fshatrave të Komunës sonë, me të cilët ka diskutuar rreth përgatitjeve për fillimin e dëgjimeve buxhetore për KAB 2024-2026 që do të fillojnë nga 29.05.2023. Kryetari Muharremaj, ka kërkuar nga të pranishmit që të organizojnë sa më mirë këto takime buxhetore me sa më shumë qytetarë të pranishëm dhe të ketë pjesmarrës edhe nga gjina femrore dhe nga të gjitha subjektet politike pa dallim. Ai më pastaj ka thënë se:

“Takimi me kryetarët e fshatrave për Kornizën Afatmesme Buxhetore, e cila do të diskutohet në secilin fshat dhe në Qytetin e Suharekës për prioritetet dhe zhvillimin e projekteve.

Në dëgjimet e ardhshme buxhetore, të cilat janë të publikuara, do të organizohet që qytetarët të propozojnë idetë dhe projektet e tyre.

Takohemi në ditët e ardhshme”.

Do theksuar se për mbarëvajtjen e dëgjimeve buxhetore do të ju njoftojmë me kohë në webfaqen e Komunës dhe në rrjetet sociale.