Arrestohet suharekasi, ushtroi dhunë psikike dhe fizike ndaj një femre
Dhuna në familje është njëri nga fenomenet më shqetësuese për shoqërinë dhe njëra ndër sfidat më të mëdha për institucionet e vendit. Ky fenomen çdo ditë e më shumë po rritet, një gjë e tillë po bëhet e ditur nga Policia e Kosovës. Në Policinë e Kosovës në Suharekë gjatë ditës së mërkurë një femër […]
Dhuna në familje është njëri nga fenomenet më shqetësuese për shoqërinë dhe njëra ndër sfidat më të mëdha për institucionet e vendit.
Ky fenomen çdo ditë e më shumë po rritet, një gjë e tillë po bëhet e ditur nga Policia e Kosovës.
Në Policinë e Kosovës në Suharekë gjatë ditës së mërkurë një femër ka raportuar se një familjar i saj në vazhdimësi ka ushtruar dhunë psikike dhe fizike ndaj saj, raporton SuharekaOnline.
Sipas njoftimit të policisë bëhet e ditur se i dyshuari është arrestuar dje rreth orës 10:40.
I dyshuari me vendim të prokurorit është dërguar në mbajtje.
“Suharekë 07.06.2023 – 10:40. Është arrestuar i dyshuari mashkull kosovar pasi ka ushtruar dhunë psikike dhe fizike ndaj viktimës femër kosovare. Me vendim të prokurorit, i dyshuari është dërguar në mbajtje.” thuhet në njoftimin e policisë.