Numri i rasteve të dhunës në familje ka marrë përmasa shqetësuese në vendin tonë, pasi çdo ditë persona të ndryshëm përfundojnë në pranga si të dyshuar për dhunë ndaj familjarëve.

Këto raste bëhen edhe më të rënda, kur viktima janë prindërit të cilët përjetojnë dhunë psikike e fizike nga fëmijët e tyre.

Një rast i tillë dyshohet se ka ndodhur në një familje në fshatin Bukosh të Suharekës, me ç’rast një person ka denoncuar në Polici djalin e tij 23-vjeçar.

I dyshuari në mënyrë të vazhdueshme ka ushtruar dhunë ndaj babait dhe anëtarëve tjerë të familjes.

Rasti është konfirmuar edhe nga Policia e Kosovës, ku thuhet se i dyshuari tashmë është arrestuar.

“Fsh. Bukosh, Suharekë 12.03.2023 – 15:00. Me 14.03.2023 lidhur me rastin është arrestuar i dyshuari mashkull kosovar nën dyshimin se ka kryer veprën e lartcekur. Me vendim të prokurorit i dyshuari është dërguar në mbajtje.” thuhet në njoftim.