Aksident trafiku në Mushtisht, lëndohen 3 persona

Një aksident trafiku ka ndodhur sot në fshatin Mushtisht të Suharekës, ku janë goditur dy vetura.

Burime të SuharekaOnline nga Urgjenca e Suharekës bëjnë me dije se si pasojë e aksidentit janë lënduar tre persona.

Poashtu, të njejtat burime tregojnë se personat e lënduar si pasojë e aksidentit, janë duke u dërguar për tretman mjekësor në Spitalin Rajonal të Prizrenit.

Në vendin e ngjarjes, përveç urgjencës kanë dalur edhe njësitet e policisë.

Nga fotografitë që janë dërguar nga burimet në redaksinë tonë shihet se njëra veturë ka goditur edhe një shtyllë elektrike dhe përveç lëndimeve të personave janë shkaktuar edhe dëme të konsiderueshme materiale.

Lajmi në përditësim…