Drejtoria e Shëndetësisë pajiset me leje ndërtimore për ndërtimin e QMF-së në Studençan

Sigurimi Internacional

Ofertë speciale

Drejtoria e Shëndetësisë dhe Mirëqenies Sociale në Suharekë është pajisur me leje ndërtimore për ndërtimin e Qendrës së Mjekësisë Familjare në fshatin Studençan të Suharekës.

Kështu ka bërë të ditur Drejtoresha e këtij dikasteri, Besa Kuqi, raporton SuharekaOnline.

Kuqi përmes një shkrimi ka njoftuar se drejtoria të cilën e udhëheq ajo është pajisur me leje ndërtimore nga Drejtoria e Urbanizmit dhe Planifikimit Hapsinor.

“Drejtoria e Shëndetësisë dhe Mirëqenies Sociale të cilën e udhëheqi është pajisur me Leje Ndërtimore , për ndërtimin e Qendrës së Mjekësisë Familjare për fshatin Studençan.

Fjal pak, punë shumë.” ka shkruar Kuqi.

Ajo poashtu ka publikuar edhe lejen e ndërtimit në të cilën thuhet: “Drejtoria për Urbanizëm dhe Planifikim, ka pranuar kërkesën 07Nr.350-37309 datë 20.06.2023 nga Drejtoria për Shëndetësi dhe Mirëqenie Sociale nga Suhareka, për leje ndërtimore për objektin me destinim QMF në fshatin Studençan, Komuna e Suharekës, në parcelën kadastrale 02270-0 Z.K. Studençan pronë e Komunës së Suharekës sipas çertifikatës së pronësme nr prot.2966/2023 datë 26.06.2023, Andaj ky organ pas shqyrtimit të kërkesës ka vendosur si në Dokumentin e bashkangjitur kësaj shkrese.”.

Rikujtojmë se javë më parë në Komunën e Suharekës, përkatësisht në fshatin Duhël kanë filluar edhe punimet për ndërtimin e objektit të Qendrës së Mjekësisë Familjare për këtë fshat.