Sot zhvillohet finalja e madhe e Kupës së Kosovës, Golden Eagle Ylli – Peja

Pas një ndeshje me plotë emocione, KB Golden Eagle Ylli ka depërtuar deri në finale të Kupës së Kosovës në basketboll.

Për tu kualifikuar në finale KB Ylli e ka mundur Bashkimin me rezultat 79:69 (24:12, 14:23, 18:11, 23:23), ndërsa KB Peja e ka mposhtur KB Rahovecin me rezultat 82:90 (22:14, 17:21, 18:37, 18:25).

Në palestrën e Mizahir Isma në Rahovec, klubi basketbollistik nga Suhareka, Golden Eagle Ylli do të kërkojnë titullin e parë në këtë garë kundër KB Pejës.

K.B. Golden Eagle Ylli

Ndeshja zhvillohet nga ora 20:30.

Ndërsa sa i përket tifozëve dhe tribunave, 35% të biletave një pjesë e perendimit dhe tribuna jugore do t’i takojnë Pejës ndërsa 35% një pjesë e perendimit dhe tribuna veriore do t’i takojnë Golden Eagle Yllit, derisa 30% tribuna e lindjes organizatorit në këtë rast Rahovecit.

Po ashtu, sipas njoftimit nga tifozët suharekas “Xhebrailat”, grumbullimi i tifozëve bëhet te palestra e Suharekës prej ores 17:00, kurse në ora 19:00 bëhet nisja.

“Ju lutemi për shkak të tollovisë së madhe, ejani më herët”, thuhet në njoftimin e “Xhebrailave”.

Xhebrailat kanë në dispozicion 400 bileta dhe 10 autobusa, kurse udhëtimi është gratis e Bileta kushton 3 Euro. Përparsi kanë antarët e Xhebrailave që ishin në 2 udhëtimet e fundit.