Golden Eagle Ylli nuk ka të ndalur, sot zhvillon ndeshjen gjysmëfinale ndaj Bashkimit

Foto: KB Golden Eagle Ylli

Klubi basketbollistik nga Suhareka, Golden Eagle Ylli dje ka zhvilluar ndeshjen çerekfinale ndaj Sigal Prishtinës me rezultat 64:69, duke u kualifikuar në gjysmëfinale të Kupës së Kosovës në basketboll.

Çerekët e para të kësaj ndeshje ishin shumë të barabartë, me të dy skuadrat që nuk arrinin të krijonin epërsi të lartë dhe kjo pjesë përfundoi 17:16 për Prishtinën me një tre pikësh në fund nga Anothy Goods.

Por, periudhën e fundit klubi suharekas e nisi më mirë, duke pasur epërsi deri në tetë, Prishtina arriti afrohet në fund 64:67, por nuk arriti të bëjë më shumë dhe Ylli triumfoi me rezultat 64:69 për të kaluar në gjysmëfinale të Kupës.

Fahro Alihoxhiq ishte më i dalluari te Sigal Prishtina me 10 pikë e 13 kërcime, kurse te Golden Eagle Ylli shënuesi më i mirë ishte Samir Zekiqi me 13 sosh.

Ndërsa KB Golden Eagle Ylli nuk ka të ndalur, pasiqë edhe sot do të zhvillojë ndeshjen gjysmëfinale ndaj Bashkimit, ku klubi prizrenas u kualifikua në gjysmëfinale duke e mposhtur Feronikelin.

Ndeshja gjysmëfinale KB Ylli – KB Bashkimi do të fillojë nga ora 16:30, në palestrën Mizair Isma në Rahovec.