Finalja e Kupës së Kosovës, KB Ylli njofton se biletat dalin në shitje në Suharekë

Foto: K.B. Golden Eagle Ylli

Dje në një ndeshje gjysmëfinale ndërmjet KB Golden Eagle Yllit dhe KB Bashkimit, klubi suharekas ka shënuar fitore me rezultat 79:69 (24:12, 14:23, 18:11, 23:23) për tu kualifikuar në finale të Kupës së Kosovës në basketboll.

Po ashtu dje u zhvilluar edhe ndeshja gjysmëfinale ndërmjet KB Rahovecit dhe KB Pejës, ku pejanët kanë mundur rahovecianët me rezultat 82:90 (22:14, 17:21, 18:37, 18:25), duke u kualifikuar në finale, për tu ndeshur me KB Yllin.

Nesër zhvillohet finalja e madhe ndërmjet klubit basketbollistik, Golden Eagle Ylli dhe KB Pejës.

KB Ylli përmes një njoftimi në Facebook ka bërë të ditur se ka shumë kërkesa për bileta për finalen e Kupës së Kosovës.

Po ashtu klubi suharekas ka bërë të ditur se biletat për këtë ndeshje që zhvillohet në Rahovec, biletat dalin në shitje në Suharekë.

Ndërsa sa i përket çmimit dhe vendin se ku shiten biletat, KB Ylli ka thënë se do të njoftoheni sot gjatë ditës.