Arrestohet 33-vjeçari shqiptar në Milano, ishte pjesë e një organizate kriminale

Policia e Shtetit ka publikuar pamjet nga operacioni i arrestimit të shtetasit K.N, i cili rezulton të jetë nga qyteti i Laçit.

Sipas informacioneve të bëra publike, 33-vjeçari ishte në kërkim ndërkombëtar, pasi Gjykata e Milanos kishte lëshuar urdhër-arresti për të, nën akuzën e “vjedhjes” të kryer në rrethana rënduese dhe si pjesë e një organizate kriminale.

“Interpol Tirana vijon të bashkëpunojë me homologët në Itali, për të finalizuar procedurën për ekstradimin e këtij shtetasi,” thuhet në njoftimin e Policisë së Shtetit.

Autoritetet italiane dyshojnë se K.N ishte pjesë e një grupi kriminal të organizuar, i cili ishte i përfshirë në një sërë vjedhjesh të kryera në zonën e Milanos.