Ylli i Feronikelit: Ndeshja ndaj FC Ballkanit, një finale para finales
Dje në ambientet e Federatës së Futbollit të Kosovës (FFK) është hedhur shorti për fazën gjysmëfinale të Kupës së Kosovës. Prishtina – Drenica dhe Ballkani – Feronikeli, janë çiftet e garës që siguron daljen në Ligën e Evropës për ekipet kosovare. E sfidën, Ballkani – Feronikeli, për GazetaOlle e ka komentuar ylli i ‘Niklit’, Mevlan […]
Dje në ambientet e Federatës së Futbollit të Kosovës (FFK) është hedhur shorti për fazën gjysmëfinale të Kupës së Kosovës.
Prishtina – Drenica dhe Ballkani – Feronikeli, janë çiftet e garës që siguron daljen në Ligën e Evropës për ekipet kosovare.
E sfidën, Ballkani – Feronikeli, për GazetaOlle e ka komentuar ylli i ‘Niklit’, Mevlan Zeka.
Anësori gjakovar ka thënë se ky takim pritet të jetë një finale para finales pasi takohen dy super-skuadra.
“Duke parë ecurinë e mirë të Ballkanit nuk do të jetë e lehtë ndaj tyre, por Kupa është një garë krejtësisht ndryshe. Ballkani ka një skuadër shumë të organizuar mirë në të gjitha repartet dhe një trajner motivues që i përgëzojë për këtë, por unë mendoj se kjo përballje do të jetë një finale para finales.
Gjithsesi, ne si Feronikel do t’i qasemi maksimalisht dy takimeve sepse e dimë çfarë do të thotë gara e Kupës”, tha Zeka.
Ndryshe klubi futbollistik nga Suhareka, Ballkani dhe Feronikeli do ti masin forcat në gjysmëfinale të Kupës së Kosovës me datën 8 prill dhe 22 prill të vitit 2020.