Iwajlo Petewa Trajneri i Jagiellonias: FC Ballkanin u desh ta mposhtim me këtë rezultat!

Klubi futbollistik nga Suhareka, FC Ballkani ka zhvilluar edhe miqësoren e tretë në Turqi, në kuadër të përgatitjeve për stinorin e ri.

‘Luanët’ e Ismet Munishit u ballafaquan me ekipin nga Polonia, FC Jagiellonia.

Ndeshja prodhoi gjashtë gola, duke u mbyllur me rezultat të barabartë, 3:3.

Golat për Ballkanin i shënuan: Arber Prekazi, Arber Hoxha, Albin Berisha.

Ndërsa këtë rezultat 3:3 ndaj klubit nga Suhareka e konsideron si aksidental trajneri i Jagiellonias, Iwajlo Petewa.

“Rezultati duhej të ishte 3:0 për ne, nëse do të ishim vetëm pak më të kujdesshëm dhe më të përqendruar në disa momente”, deklaroi Petewa.

“Është e vështirë të ndryshosh skuadrën për pak ditë. Nuk jam i kënaqur me golat e pësuar sepse jemi sjellë si fëmijë. Pjesa e parë ishte shumë më e mirë, më pas në të dytën iu dhashë një shans lojtarëve të rinj”.

“Nuk isha i lumtur me golat e pësuar. Në disa momente i kemi lënë futbollistët e Ballkanit të pa-mbuluar, gjë që nuk guxon të na ndodhë në të ardhmen”, shtoi ai.

Ndërsa dy futbollistë serbë të klubit polak Jagiellonia kishin refuzuar të paraqiteshin ndaj Ballkanit në miqësoren që u zhvillua të martën në Antalya.

Sipas mediave në Poloni, dy futbollistët Ognjen Mudrinski dhe Mile Savkoviq, kishin refuzuar të paraqiteshin për klubin për shkak se Serbia nuk e njeh shtetin e Kosovës.

“Bashkë me stafin, kemi vendosur që të mos luaj sot në miqësore”, kishte thënë vetë Mudrinski.

© SuharekaOnline. Të gjitha të drejtat janë të rezervuara.