FC Ballkani e humb ndeshjen e parë miqësore në Turqi

Klubi futbollistik nga Suhareka, FC Ballkani ka udhëtuar për në Antalya të Turqiës për fazën përgatitore.

FC Ballkani për tri ditë rresht ka mbajtur seancë stërvitore me futbollistët, ku tani janë përgatitur edhe për ndeshjet miqësore që do ti zhvillojnë atje.

Klubi i qytetit përmes një postimi në Facebook ka bërë të ditur se sot ka zhvilluar ndeshjen e parë miqësore ndërkombëtare.

Sot Ballkani ka zhvilluar ndeshjen miqësore ndaj FC Tractor, ku u udhëheqën nga kapiteni Visar Berisha.

Në këtë miqësore ‘luanët’ e Ismet Munishit pësuan humbje me rezultat 2:1 në Lara (Antalia) – Turqi.

© SuharekaOnline. Të gjitha të drejtat janë të rezervuara.