Ballkani të enjten pret skuadrën nga Gjibraltari, Lincoln Red Imps

New Born Agency

Fluturime direkte nga Ljublana në Prishtinë dhe anasjelltas!

Ballkani, Partizani dhe Struga janë tre skuadrat shqiptare që kanë mbetur ende në garë në Ligën e Konferencës.

Tre skuadrat shqiptare kampione në Kosovë, Shqipëri dhe Maqedoni e Veriut nuk kanë kohë për të humbur, pasi menjëherë do të vihen përballë kundërshtarëve të radhës nëse kalojnë edhe rrethin e tretë.

Të enjten e datës 10 gusht, Ballkani pret në shtëpi skuadrën nga Gjibraltari të Lincoln Red Imps, Partizani do të udhëtojë drejt Letonisë për t’u ndeshur me Valmieran, ndërkohë që Struga do të përballet në Ohër me ekipin e Swift Hesperange, që vjen nga Luksemburgu.

Nëse kualifikohen, tri skuadrat do të mbërrinin në fazën ‘Play-off’, një hap larg kalimit në fazën e grupeve, aty ku Ballkani mori pjesë sezonin e kaluar për herë të parë në histori.

Nëse ia del përballë Lincoln, Ballkani i Ilir Dajës mund të ndeshet me ekipet që eliminohen nga çiftet:

FK Zalgiris Vilnius (Lituani) / BK Hacken (Suedi)
FC Sheriff Tiraspol (Moldavi) / FC BATE Borisov (Bjellorusi).

Nëse Partizani dhe Struga kualifikohen do vihen përballe një prej ekipeve që eliminohen nga çiftet:

HSK Zrinjski (Bosnje) / Breidablik (Islandë)
Qarabag FK (Azerbajxhan) / HJK Helsinki (Finlandë)
FC Astana (Kazakistan) / PFC Ludogorets 1945 (Bullgari).

Shorti në selinë e UEFA-s do të hedhet me fillim nga ora 14:00 ku Ballkani, Partizani dhe Struga mësojnë kundërshtarin për ‘Play-Off’ nëse kalojnë në këtë fazë të garave./Telegrafi/