Kanosi një person në Shirokë, shoqërohet në polici i dyshuari

Rastet e kanosjeve nga persona të dyshuar kundër viktimave, në vendin tonë janë shpeshtuar. Kjo po bëhet e ditur nga raportet e Policisë së Kosovës dërguar mediave.

Rastet e tilla janë shqetësuese dhe sfiduese për institucionet e vendit pasi që të njëjtat mund të përfundojnë edhe me sulme fizike apo edhe me fatalitet.

Një rast i kanosjes është raportuar në Policinë e Suharekës para katër ditësh, rreth orës 14:45, raporton SuharekaOnline.

Policia e Kosovës ka njoftuar se një person i dyshuar nga Shiroka e Suharekës është shoqëruar në polici ku edhe është intervistuar dhe ka pohuar se ka kanosur viktimën.

Në lidhje me këtë rast është konsultuar prokurori i shtetit i cili ka rekomanduar që pas intervistimit i dyshuari të lirohet dhe rasti të procedohet në procedurë të rregullt.